beautiful connie

琴晚系期待左好耐的MAYDAY演唱会，超级无敌地HIGH！！！兴奋到E+噢~翻来之后一直听住MAYDAY既歌，睇来又要疯狂好一排了。

开开心心充满期待地去到熟悉的广州体育馆，哇，好多FANS啊~~~WOOHOO，拿到票，快快去稳位坐，哇，又系VIP啊，兴奋到简直想尖叫。WOO~~~HOO~~~WOO~~~MAYDAY出来了~~~阿信~~~怪兽~~~玛莎~~~石头~~~冠佑~~~超级无敌地MAN啊！！！最爱阿信，超中意距斯斯文文但系又充满力量既声音，型到爆啊！

中意五月天，因为中意距地既歌，好简单浅显既歌词同简单既旋律，往往就系如此既简单，无论快歌定慢歌，都能句句讲到我地心里面，讲我地既生活、讲我地既倔强、讲我地既理想、讲我地既无奈，太多太多了，好感动。睇距地既演唱会，听距地放肆地表演，就连FANS都无办法唔HIGH起来，我地VIP既FANS，全程企足三个钟啊。前面既人一企起身，比较娇小的本小姐就会比前面既人遮鬼住晒，不过，哈哈，所以我索性就企系张凳上面，哇，超好VIEW啊~~~因为现场FANS太兴奋了，保安哥哥见管来都无用，哈哈，就比我地一直企落去，太爽了！！！

一路跟住MAYDAY跳啊唱啊，摆动住手上的红色闪闪戒指，简直系尖叫到我喉都沙啊~~~的确，平日既我地，系几甘地安分守纪，生活令我们变得雷同了：考个像样的大学，找份像样的工作，住上像样的房子，做个像样的人，所有的倔强与执着，也许很快地就会被如此的人生给磨灭掉，生活不由得我们放肆。每日六点半起床、逼公车、换上白衬衫深蓝西服和黑色高跟鞋、谨慎地处理手头上的工作。。。在领导面前好乖的本小姐也只能抓紧这短短的几个小时，肆无忌惮地尖叫与疯狂。特别中意被摇滚音乐轰炸包围既感觉，好似完全跳出左果个条条框框几世界。

结束果阵，真系好唔舍得，唔舍得MAYDAY，唔舍得呢种肆无忌惮既感觉。听住MAYDAY现场唱的〈倔强〉《拥抱》，眼泪都快要掉下来的。真的好喜欢！

LOOKING FORWARD TO MAYDAY‘S NEXT TOUR。

呢个星期好爽啊，工作好轻松，因为。。。小宁子要休假，我顶左距个申报岗一个星期！阔别左一年多的申报岗位，再次坐番入小房间的最里面，真系觉得好舒服啊~虽然换左新系统，好多做法都已经唔同晒，不过政策、原理都基本上无点变，而且仲比以前好做左好多啊！加上呢个星期无遇上任何检查，NOTES也没下发任何核查修改既任务，轻松自在地就过来了。不过最主要都系唔使好似发报岗对住D LONG黎私人客，唔使比人闹到扑街，又唔使比主管随时及住晒，又唔使赶住冲业务，更加唔使轧帐，一日落来都无咩人理你，完全就是自己的一个宁静的小天地。在小房间里面无主管，只有大家时而轻松的玩笑，一天下来只要按自己既喜好安排好工作，完成就可以发下偶豆轻松落班了，上班的时间特别好过，五点过后大家就可以随意在小房间吃零食，水机就在我身后，斟水超级无敌方便，真系好爽啊！十分有缘地，我做申报果阵，申请过赋码开NRA，换岗之后竟然小宁子一直都未遇过呢只业务，但系呢个星期我顶岗，竟然一下就来两个NRA，仲要开始同结束都各一个，真系够晒旺啊！可惜，快乐既时光过得特别快，下星期我又要重返发报岗了，哎。。。几时先有机会解脱呢！

星期六，开开心心同姐妹们去婚纱街拣姐妹裙，哇，成个广场都系婚纱，开始的确有小小兴奋，不过之后就真系视觉疲劳了，睇咩都无晒感觉。行左几个钟，总算比我地稳到自己心水的款色，快快试左下，度身，好，过两个星期就有得拿了~~~我地都要执到靓一靓去威斯汀饮DANNIE果餐！不过好担心会冻啊，见到条裙，再预想到时既寒风，真系一林到就打冷震了。唔知边度有暖暖包卖呢！可惜尤又入院了，希望距快快恢复，到时可以同我地一齐去啦~仲有虹的PARTY，去边度搞同埋玩D咩好呢？

呢两日，一直都同一班BDB姐妹泡在一起，好开心！

寻日一落班，就带住轻松既心情赶去我地既聚会饭堂——利华！没有华丽高雅的装修，但系好味兼抵吃令果度成为我地呢班人吃饭聚会的首选地了。略显杂乱既环境，于是大家可以随便大声讲野大声笑，唔需要扮斯文，唔理会拘束，好生活化。虽然本小姐喉咙未好，无点吃野，不过同一班好朋友吹下水，讲下是非，都仍然充满乐趣。一副黑框眼镜，令我一直以来都好中意既林玉露变成我更加中意的方小同！

利华结束，继续我地一贯的下一站——玫瑰糖水铺。好好味啊，经济实惠。虽然就系好细好旧既一间糖水铺，地方非常的窄，餐牌上面混住各样糖水显然有小小异味，部电视仲要次次播既都系珠江台的《夜倾情》。但系正正系如此的狭窄空间，我地却是能够在里面放心地大声讲大声笑，老板亦都好实在好友善，听到我地讲野会时不时搭讪一两句。呢度除左有各式各样好味既糖水，里面特有既人情味系其他新式甜品店稳唔到的。所以，无论几夜，呢度总系甘多人，次次去到都几乎要等位啊！哈哈，唔知呢个路线，我地可以KEEP几耐呢？临走果阵，大家临时确定第二日去阿斜屋企玩WII，太好了！

今日训到自然醒，开开心心去阿斜屋企。原来玩WII系甘攰嘎，要好用力兼有正确姿势先可以得分，玩几趟就已经成身汗兼手软脚软了。好奇地用WII测试左下自己的体能年龄，好打击地得知结果——44岁！简直瀑布汗啊。使晤使话到我甘老啊！！一边玩WII，大家一边就系度玩化妆，哇，方小同&法拉都带齐D架餐来，好多好靓啊，搞到我好想马上去买好多好多好高级既化妆品，然后化个靓妆出去蒲啊！最后睇左法拉既婚纱相，好靓啊~~~简直系法拉同阿SA的完美结合啊~~~然后我同方小同都一直讲，我地都好想去影啊。但系首先，就系，要稳个PARTNER！就如某朋友所说的，我也相信，好男人并没有死光。我们BDB要一直拥有希望。

晚上睇左翡翠歌声贺台庆，哎，除左几个旧人，基本上都系唱功极其一般的新人，太无意思了。都唔知乜水，唱得又差，走音兼唔够气，几经典既歌都比距地破坏晒D FEEL啊，大把人唱K都好过距地多多声啦！真系好想听番D势力派原唱出来搞一场SHOW。不过，当听到我地曾经耳熟能详唱K饮歌成为大家集体回忆时，确实感到，一切都已成过去了。

今次突如其来的两日休假，连着周六日，虽说有4天时间，但本小姐十分地不满意如此安排（硬把人家5天年假给拆开，而且提前一天通知休假，并不是本小姐主动申请的，导致厦门之行来不及安排，而且周五下班要参加南方歌舞团的庆功活动，于是即使约到人，也没办法出游），可识时务的本小姐也深知这是没得反驳的安排，既然某人安排了，你也就得好好地执行，不执行，就是你自己吃亏，于是也就只能郁闷地欣然接受。

星期四，睡个自然醒，一口气将剩下的《杜拉拉1》睇完，然后就去胡丝嫩赏稳LILY整头发，本想说染个特别点的颜色，好刺激一下某人，可是看版的颜色跟染出来的效果还是很有偏差，看版明明偏绿嘛，点解染到上我头又变成偏红嘎!唉，呢个效果，以本小姐自己染发既经验，绝对可以自己就染出呢个水平啦，使鬼用几旧水去稳你搞咩！哎，整完头，一个人在北京路同五月花逛啊逛啊，一个人行街真系好闷啊~~呢个时候，比我见到间BANANA BABY噢，哇，上次睇岩既果条裙5折啊~买！由于无参谋，导致本小姐仲买左一条唔多配而且几贵下的腰带，哎。。。

星期五，又系训个自然醒，下午以饱满的精神翻支行同同事汇合，正式开展我地南方歌舞团在文艺汇演中成功夺冠的庆功活动——长隆酒店及长隆欢乐世界~哇，间酒店好靓啊，到处都系动物元素，仲又白老虎啊、丹顶鹤啊、全部都好近啊，净系隔住个玻璃窗咋。晚宴，有支行3巨头领导的出席，敬酒自然也就是主要任务。既然有甘多新人同男仔，我呢D做师姐既自然落得清闲，随着大流敬过几趟就乖乖地品尝美味。小朋友果然还是小朋友，一个个地被行长领导们回敬到简直是醉到一塌糊涂。晕的晕、倒的倒、吐的吐，哎，何必呢！安置好一帮醉汉后，清醒的人也就跟着领导去卡拉OK，自然还是有人陪唱陪跳的，最好不过了，风头让别人抢去吧。本小姐蒲过头，HEA过下，附和着搞搞气氛，到舞厅蹦过了，欢呼过了，也就趁乱溜了，哈哈，真有趣。好累啊，几个人到了桑拿沐足区，做SPA太贵了，还是别这么奢侈，挑个中等价位的168全身保健推拿好了。好舒服啊，一身都松晒。工作左两年，本小姐某D关节已经严重劳损了，真系觉得支行应该定期发D推拿按摩SPA券比我地得闲去撵两野，如果唔系真系好易老啊！

星期六，训饱饱就去白虎餐厅吃自助早餐，一听个餐厅名就知有几架势了，白老虎涡~~可惜我地吃早餐果阵，D白老虎一只只懒懒地训晒系度，好懒啊！吃完早餐，好好地逛左下酒店，哇有个酒吧隔离系一个好大的白虎园阿，而且有好多只，只只都好生猛一齐玩啊闹啊，好得意啊~~~长隆酒店真系搞得好唔错啊！

执好行李，CHECK OUT完，我地就直奔长隆欢乐世界。因为D机动游戏之前都玩过晒了，所以我地就主要去玩最中意的垂直过山车同十环过山车。哎呀，第一次玩果阵都无咩感觉嘎，今次竟然有莫名的恐惧，不过在一班后辈面前，我点可以缩沙呢，于是硬住头皮豁出去啦！啊~~~啊~~~啊~~~，哇，好爽啊，简直当自己系度MA叉紧D LONG黎既客同某人甘，将呢排D怨气从肚里面叫晒出来啊！都系垂直过山车最经典啊！！！几时我地一齐再去玩啊？！！最爽既系，之前去玩排一个项目都要等鬼甘耐，今次可以唔使排队优先玩啊，因为我地系长隆酒店住客，所以就有呢个特权了，爽啊，哈哈！

玩完叫完，大家都累了，于是搭地铁翻广州，哈哈，仲可以翻屋企吃中午饭！哟，竟然有大闸蟹吃涡！！哈哈，太好味了。虽然体检报告叫我少吃海鲜，不过美食当前，吃左再算啦，哈哈，最多勤D做高电位！晚上睇快乐大本营，系SUPER JUNIOR M做嘉宾涡，YOUNG人真系好唔同，超有活力啊！

星期日，好好在家休息，上下网，UPDATE下个SPACE，度过我呢个悠闲假期的最后一天。