唔中意呢D灰蒙蒙既天气，灰都算啦，仲要冻！平时返工已经无得见阳光了，一早太阳未出来就入写字楼，落班出来太阳又落山。点知连周末都系甘，一日落来都见唔到阳光，搞到我真系好。。。DEPRESSED。。。我要同阳光玩游戏~我要GO OUT FOR A PICNIC~我要呼吸新鲜空气~

工作，轻松左两日，快快脆尽量将问题放系果两日解决，真系希望连下星期既野都浓缩在呢两日做完，因为唔同人，出来既效果实在有太大分别了。绝对系人既问题，同样既问题，同样既情况，点解人地就可以甘迅速搞掂、点解人地就可以企出来勇于承担。好多无聊既规矩只系D唔PRO既人自己定出来的，根本唔需要，一直以来，被逼打左唔知几多个无聊电话，问左唔知几多幼稚问题，有D电话打完，真系连我自己都觉得，我究竟系度做紧咩啊，竟然会问D甘浅显既问题，一讲出来都觉得超无奈。PRO既人自然会处理得好好多，而我亦难得轻松D。

缘分，真系好得意，有D人同某D人，或者巧合，或者缘分，总系每隔一段时间就会撞到。上星期五上班，行入地铁站，竟然又比我撞到基佬，仲系甘靓仔，但系感觉苍老左好多。搭车撞过距，行街撞过距，连睇演唱会都可以撞到距。。。同我一齐去韩国的阿棍，辞职后自己开公司，巧合地将我同璇所想的实现左起来，更巧合地距竟然将公司开到我屋企隔离，N年无见过了，但就在我知道距公司在我隔离栋楼的几日后，落班时，就撞到距了。仲有阿边个，阿边个，呢个，果个，有D人我总能在某D场合再遇到，电梯里、公车上、电影院门口、广交会上、机场、地铁站、街上、睇话剧、甚至糖水铺。。。。。。但系有D人，无论有几甘期望，哪怕只系一次，却从未在路上遇到过，真的，无缘。

自从年初以来，CONNIE都睇左晤少电影。《赤壁2》，因为对呢件历史事件既认识只净低知道有件甘既事，所以撇开一切历史，纯粹就当一出荷李活大片来睇，都OK既，比1好睇。《非诚勿扰》，中意呢个标题，但因为听人讲得太多，抱太大希望，最终亦只能浅笑。《游龙戏凤》，无聊时打发时间都唔错既，几轻松。《爱得起》，几无意义，无咩主题，情节单调，好普通，就好似一部普通缩短左既连续剧。《叶问》，题材几老土下，毕竟动作电影唔系我十分喜欢的，在胡丝嫩赏整头果阵点左呢部电影来睇，都算睇左下咯，拍得几好既。《贫民窟的百万富翁》，讲左好多印度负面既野，我唔中意。《返老还童》，一开头以为系搞笑的，点知原来甘严肃甘深沉，而且感觉时间太长，有D闷添。《生死朗读》，好郁闷，睇完才发觉原来自己系从中间睇起，唔知头唔知路地撑到结束。《蕾切尔的婚礼》，从一个隐君子的角度来展开，镜头从影片开始就晃荡到最后，晕！《美丽人生》，睇到呢部戏，总算稳到睇电影既感觉了。好耐之前就一直听朋友话呢部电影好好睇，但一直都无闲落来认真欣赏下。直到琴晚，终于比我睇到一部经得起时间考验的好电影了。特别系最后小朋友见番妈妈之后伴住的果句长大的独白，声音一出来，我就感动到虽然讲唔上哭得淅沥哗啦，但至少让我痛快地哭了几十秒。就好似《LOVE IS。。。》甘，连续好几年了，明珠台好似每到圣诞节都会播，而我亦每次都睇，睇左不下三次了，每次都甘中意，都睇得甘过瘾，每次令我眼湿湿既都仲系同一个MOMENT，好中意啊！

无无聊聊地又过左一个周末，希望下个周末天气可以好转啦。因为本小姐要去春游，仲要参加护士表姐既WEDDING。