20081213，系蔡依林唯舞独尊广州演唱会的大日子~~~哇，亚洲小天后涡，肯定会一番劲歌热舞，好期待啊！！！一去到现场，哇，第一次睇四面台啊，而且好近好清晰，一见到个甘近甘大既四面台就足以令我同阿斜尖叫左好一番！哟，JOLIN入场了，全场欢呼，好兴奋啊！！

哇！哇！哇！开始了！！！一开场JOLIN就高难度动作出现在观众面前，从空中吊钢丝出场加连番的劲歌热舞，全场尖叫，简直HIGH翻天了！四面台的现场效果超有FEEL，JOLIN去到边度边度就连番的尖叫，系我睇甘多场演唱会最有气氛的一场啊！阿斜仲高度赞扬话比得上五月天的HK演唱会添！果然系亚洲天后，终于见识到了，每个关节好似都识得跳动甘，超有动感，搞到我地都好想跟住D甘HIGH既音乐跳埋一份，劲歌热舞不在话下，又钢管舞，又彩带舞，就连慢歌都甘有气势，好熟悉好令人回味既MELODY啊，全场大合唱实在系太令人感动了。整场演唱会落来每一刻都令人充满惊喜，仲有“假装”的粤语版噢！尖叫尖叫再尖叫~~~仲有同门师弟ENERGY，一个字：型！有好熟悉的COME ON，最中意D甘有力量既劲舞了！最后的PARTY全场真系HIGH爆了，真系希望可以HIGH通宵，好多好多荧光棒，好靓好感动场面啊，阿斜整场落来讲左好多次话好想喊，哈哈，我都想啊！！

上上星期五晚，系临休假的前一日噢，心情大好。由于有阳阳顶我个位，基本上果日我都无咩做了，十分难得地闲闲企企甘度过左轻松的一天。最后一刻写好交接簿，签埋名，哈哈，落班，我既休假就从果一刻开始了！（休假时间过得如此地快，E+林番简直好似发左场梦就过左甘了）开开心心去华乐路同好友汇合，之后去吃辣田鸡，吃左甘多次都仲系觉得好好味啊！

吃饱都成10点了，之后怀住更加开心的心情飞的去冰花酒店1楼的HOOLEY‘S BAR，好似话系武震的暂别SHOW噢，而且有KEN的加盟，恩，一定会好精彩！自从毕业之后就未睇过距地合作了，几期待啊~~终于有机会睇了！一去到，哇，好热闹，气氛超好啊，一如既往地甘多鬼佬~~~哇，阿KEN同武震噢~~~好型~~~而且PRO左好多好多啊！哟，原来武震系果度唱既第一首歌就系HIGH AND DRY！！！曾几何时听呢首歌一度听到厌左，今次突然听番，哎呀，好好听啊！！！啊，仲有好多好好听既歌，ER。。。唔知系咩名添！虽然对D歌唔熟悉，但系武震都可以唱得特别好听，现场特别震撼，哈哈。虽然无D鬼佬甘HIGH，不过我都好乖好有诚意地做小FANS。

阿杜帮我叫左杯BAILEYS，太多冰，好淡啊，呢个时候我先醒起，系涡，我支BAILEYS一直比我遗忘左在冰箱的某个角落，哎呀，好惨啊！于是在西湖边上我叫左杯BAILEY’S CREAM COFFEE，好好味噢，等我周末都试下自己整下来饮先得！

听讲武震比美国一间好有名的音乐学院录取左，所以要去美国读书了。恭喜恭喜，希望距可以好好发展啦，到时番来希望仲有机会比我睇到距同阿KEN既SHOW啦！

申请左好一段日子的年假终于批落来了，连埋两个周末，头尾九天，于是同尤尤展开为期六天的上海之行！尤总好掂啊，机票啊、火车票啊、宾馆啊、交通IC卡啊，咩都帮我打点好晒，完全唔使我操心噢，所以今次行程显得特别轻松。呢次自由行真系经典，甜酸苦辣都经历左唔少，我地两个妹妹仔都算犀利了，遇到甘多状况都可以挨过来，哈哈哈，认认真真总结下先：

第一天，我地怀住兴奋卓越的心情踏上飞机，哇，去上海了，期待左好耐。去到第一感觉，好似广州啊，我地坐住机场大吧出去，用左好耐时间才接受到自己身在上海，因为一直都仍然觉得自己走在广州街头。去宾馆放好行李，马上直奔南京路同外滩出去感受下大上海的大都市味道先。南京路，好旺的一条商业步行街，而且D民国STLYE建筑好靓，好有现代与古典完美结合的FEEL。逛完南京路，晚上来到外滩，哇，好靓好优雅啊！（上海好早天黑啊，5点多D就黑晒了。一天黑我地就林住过去外滩睇夜景啦，点知去到，哎呀，点解D灯无开既？唔会因为节电唔开灯挂，唔通停电？唔系甘黑仔啊？！就在我担心同失望之际，问左下人先知道，原来外滩D灯系6点半先会开的。哦，马上放心晒！）哇，见到东方明珠了，好靓啊~~~从外滩到游船，再下船到外滩，一直沉浸在兴奋当中。（由于下午在南京路吃左一笼小笼包，觉得一般般，晚上游完船唔多想吃小吃了，于是我地就好理智地选择左聚会首选地——PIZZAHUT，哈哈哈，好满足的一餐噢，都系呢D比较适合我地。）

第二天，一早我地就赶火车去杭州。（今次真系好赶好赶，在宾馆寄存好行李之后就飞的去火车站，以尤尤开车多年的经验话果条司机D驾驶技术认真麻麻，搞到我地在车上简直心急如焚，心林赶唔切了！好在，总算在9点24分赶到火车南站，9点25分检票入闸，9点27分踏上火车，点知行左一阵先发觉原来呢趟火车系两列一齐开，而我地的座位在后面果列，中间系过唔到的。于是又出番来，快速向前飞奔，总算在最后一分钟进入我地应该进入的果列火车，一入到去，关门，火车开动！哇，好险啊，差小小就赶唔到，D火车票就废了，仲会耽误行程添！真系从来都未试过甘赶啊！）开开心心搭完火车，去到宾馆放好行李我地就直奔西湖。好和煦的阳光，好温暖既天气啊。哦，原来西湖系甘既，西湖边的生活感觉上好悠闲啊。断桥残雪（呢个时候见唔到雪。呢条桥好细过果阵就已经听过，哈哈，就系白娘子同许仙相遇既地方噢，至今仍记得当年电视剧的情景，白娘子当时好似系担住把遮嘎，好靓啊。）、三潭映月、雷峰夕照，行下又搭下船，又上下岸，恩，唔错唔错。5点几，开始天黑了，我地就搭车出去稳杭州菜，可能去到既地方比较潮，成条路都系西餐、CAFE、PUB，好唔容易终于比我地稳到一间细细既杭州菜餐馆了。我地点左东坡肉、西湖醋鱼、上汤娃娃菜。好饱的一餐啊，真舒服。吃完饭，我地就去到之前在网上睇到的西湖新天地，哇，好舒服的一个地方啊，宁静、优雅。一个小小的地方，在丛林中隐约住一间间细细的CAFE同餐馆，好有情调好小资啊，就好似欧洲的小镇甘，绝对系拍拖胜地。

第三天，我地一早就去闻名已久的灵隐寺，好宁静好宏伟好正气的一个禅院，在这旅游淡季都好多游客，果然闻名！E+既旅游令到好多寺庙都充满商业气息，真系好可惜！灵隐寺保持住这一份的清净，自然能够吸引到中外游客同信徒的朝拜，香火一向都甘旺盛。我地一路行上山，越到上面就越宁静同宏伟，最高的大殿有三尊大佛，哇，好庄严啊。落山果阵仲见到有鬼佬和尚，好可爱啊。行完灵隐寺，我地就到对面的飞来峰爬左下山，由于太累，上左一段就放弃了，好再放弃及时，如果唔系第二日肯定腰酸骨痛。中午我地就坐车出去琴晚去过的西湖新天地吃中午饭，入左一间CAFE，哈哈，在西湖边上饮下COFFEE，吃下西餐，绝对系享受，恩，真系好小资的感觉。吃完野，悠悠闲闲地逛左下湖滨，感受左下西湖边上的生活，好多老伯同阿姨唱戏娱乐，就好似我地D公园甘。经过前一日赶火车的惊险经历之后，今次我地提早做好准备，逛完无咩做，我地就早早去火车站。（杭州火车站比起上海南站实在系有D混乱，灯光昏暗不在话下，D乞丐在候车室到跪来跪去，仲要趴在你脚上，哇，几恐怖啊！一入闸既情景就马上唔同晒，我地坐既系头等舱，D人好斯文啊，个个好有秩序地排对等车，恩，有文化既人果然素质唔同。坐我旁边的系一个日本老伯，好友善啊，仲帮我放背包上个架度，临落车又帮我拿落来。）晚上一返到上海，就马上约尤尤在英国的同学MR。宋出来吃饭。好NICE的宋先生啊，比起相里面要瘦，可能工作压力大挂。宋生请我地去吃距最爱的泰国菜，恩，味道的确唔错。吃完饭，宋生就带我地去行滨江，一直话请我地吃甜品，可惜我已经好饱了。滨江真系好浪漫既一个地方，又系一个拍拖胜地，从浦东望过去外滩，好靓！（临走果阵遇到一个卖花的小男孩，当我地走开话两女一男一睇就晤系拍拖既人啦，而且点送涡，小男孩就好脆稚地话“买一送一”，哈哈，甘就帮阿宋生解决左难题了，好聪明啊！）

第四天，最黑仔的事件发生在尤尤身上。打算话搭地铁去城煌庙逛下啦，但系原来上海治安都好似广州一样甘麻麻，就在转线期间，尤总部手机竟然比小偷偷左。（天啊！！！有无搞错啊！！！真系好贱啊！！！手机对于一个游客来讲几甘重要啊，而且仲要尤总甘工作繁忙的人，就算出外都要带埋手提晚上工作，平时就要用手机指示班员工做野，仲有好多好多人既联系方式，太黑仔了！）去到城煌庙，惊魂未定的我地惟有去令我地觉得有安全感的PIZZAHUT度吃野同整理下D思绪。真系好惨啊~~~吃完野，于是我地就战战兢兢地逛城煌庙了。一路上的确几靓既，建筑同摊档都好有上海特色，旅客都非常多。但系街上太多闲杂既人了，整一片区域都比人有D混乱的感觉，有D人一睇就觉得系小偷，好恐怖啊，搞到我地精神紧张添！因为唔多放心在呢一片区域闲逛，于是兜左一圈我地就飞的番去高尚的浦东一带。哇，一过到去世纪大道果边简直系两个唔同既世界，好高尚啊！我地上左上海国际金融中心，即系上海暂时最高的一栋大楼。一入到去，好CYBER的FEEL，电梯好快啊，一分钟都唔使就上到去，好似时空隧道甘。由于天空有D灰，睇风景唔系最好的效果，不过都几得意既，哈哈，东方明珠同金茂都在我底下噢！好似话上海仲要盖一栋更加高的，强啊！影完一轮的相，晚上尤总请距舅公舅婆一家人吃饭。好热情的一家人啊~~~（吃完饭距地就请我地上屋企吃大闸蟹，咩都准备好晒，仲要帮我地剥埋，好盛情啊。哇，D蟹真系超正啊，而且系母的噢，D膏又多又香，哇，在广州吃要好贵的噢，而且仲无甘靓添！我竟然在吃完饭之后一晚仲可以吃四只蟹，绝对系极限啊！哇，好满足的一餐！）

第五日：今日我地PLAN好去周庄一日游的，本来想话赶10点的班车，点知去到上海体育场的旅游集散中心先话最早果班要11点，我顶，打电话果阵明明话10点有嘎嘛，于是惟有在果度斋等。坐左个几钟的车去到周庄，感觉上有D失望，地方很细，我地两下就逛完了，于是又重复逛果D地方：双桥、外婆桥、张厅、沈听，哟，兜下兜下又见到了。可能因为旅游淡季，本来人少系应该好舒服的，但系天气太冻，又阴天，风又大，感觉上好萧条同荒凉。（好唔容易比我地稳到一间好典雅的CAFE，应该系呢度唯一一间了，或者可能有D无开，我地逛左好几圈都只系见到呢间。印象中呢的水乡古镇应该有好多先系嘎。呢间好靓啊，细细间，所有COFFEE同奶茶都系由一个婆婆煮的，虽然有D慢，但系睇得出好有心机啊！从呢度望出去既风景仲好正添，阿婆婆你真系识拣地方了！）在周庄冻左一个下午，坐左个几两个钟的车，终于返到上海市区了。拖住疲惫同冻到不断发抖的身躯，搭地铁回到静安寺，在久光百货的日本餐厅坐下，恩，好好味的日本菜啊，饮一啖热茶，舒服晒！

第六日：由于前一日吹左风冻亲，再加上冷空气加强，整天的我都在晕驮驮的状态下度过。好冻好冻啊，只手简直好似冰甘，D风好大，就算有太阳都冻到不得了，好在系最后一日，可以翻屋企了。中午退完房，舅公舅婆距地就请我地吃饭。（就在我地拖住行李去同舅公距地会合时，有个阿姨叫住我，话：“小妹妹，你这包不能这样背，你这样背东西都会没的，要背前面。”好好心的阿姨啊，可能当时有小偷想偷我D野，所以距马上提醒我。睇来一到年关，边个城市都唔可以放松啊！哎。。。）舅公距地真系好盛情，仲买大闸蟹比我地，又送我地去搭机场大巴，搞到我地都唔好意思了，要距地两位老人家扑来扑去。（去到机场，哟，果然见到张超噢，但系当时我已经晕到连拿行李都无力了，所以只系好颓废地同距打左下招呼，可惜我地唔同机啦，我地系东航，距系南航！真系越晕越多事，由于我地机票改签过，要加钱，但系一开始CHECK IN果阵个小姐无留意，等我地过晒安检先用广播通知我地出去，于是我个名就甘响彻整个上海虹桥机场了！好好人的张超都听到喔，仲打电话通知我，唔该晒啊~~~）扰攘左一阵，终于又一次过安检，一开始架机就DELAY了，呢个时候竟然又话要转登机口，啊，晕啊，于是又腾去楼下。好野，终于上到机了，但系因为我唔舒服，搭飞机同搭机场大巴翻屋企呕左一路，啊，好惨啊，无晒力了，面清口唇白啊~~~阴工！！！