呢个星期真系好忙碌，工作忙不在话下了，一到年尾，大聚小聚都凑上了热闹。虽然忙，但真的很HAPPT。特别是和好朋友一起，真系好开心~~~

上星期第一件大事就当然系我地南方对公客户答谢会啦，作为代表支行表演的唯一兼压轴的节目，在表演前两晚才学晒成只舞，而且得三个人，压力真系有够大！虽然以前学过下街舞，但真系好耐无上台出场跳舞了，筋骨都硬晒，晚晚工作已经够累了，返到屋企仲要抓紧练舞记动作，练左几次就周身骨痛，哎，果几日真系好难挨。本来以为今年有新人啦，点知都仲系要比人捉去。。。好在，对于跳街舞，我都仲系几热衷的。科长们都系好配合噢，比我放左半日假去走台准备，好紧张好紧张啊~~在紧张等待既时候，一个熟悉既身影同熟悉既声音出现左——郭行啊~~郭行过来稳我同CARMEN饮两杯聚下旧倾下计噢，好亲切啊，好难得的领导，多谢你啊，真系最好既鼓励！出场了，好紧张，哈哈，效果唔错涡！！！鼓掌鼓掌~~~哎呀，好快啊，之前练觉得好难好长，但系竟然跳得无两下就话跳完了，次次上台都觉得好奇妙。 

6号系我地广州工行之夜2009新年，因为跳舞，所以我同婉鱼都获得左两张票，于是我地落班同璇璇、婷爷吃完野打车去星海。好耐无睇交响乐了，好似自从做野之后都未睇过了。今次系中国交响乐团，指挥系陈燮阳，的确好值得睇既。精彩既交响乐果然好吸引人，唔经唔觉就最后返场曲了，一如既往地系拍手互动果只歌。指挥果然系世界级的，好PRO啊~~~

2008最后一个星期，实在系太忙太忙了，忙到无时间上网，无空闲整理思绪，无机会更新SPACE，惟有在2009年才认真回顾一下这匆匆的一周。

2008的最后一个星期六，开心。。。因为一早入电梯，一个婆婆抱住距大概3岁左右的孙女，话：“有无叫姨姨好啊？”，顿时瀑布汗！不过个小妹妹真系好抵锡好乖啊，竟然有小小怕丑甘话：“姐姐好“！哈哈哈，睇来我都仲系几YOUNG既。白天同我PARTNER璇璇去入货，然后去广商丰富我地既格仔，搞掂之后在路边吃了臭豆腐，EM。。。好好味啊，在大学附近总能很自在地吃臭豆腐。之后马上赶去天河果边，期待已久既小猪演唱会终于来了~~~HOHOHO，好型啊，又系我最中意既劲歌热舞啊，仲有ENERGY啊~~~可惜，太远了，有D HIGH唔起添（可能因为上次JOLIN实在系太正，今次尽管系场外的第二排，但感觉真系好远）。当小猪弹住钢琴出来，哇，好浪漫啊，而且唱“每天爱你多一些”，好中意啊，仲记得，呢只歌既钢琴曲系我SPACE的第一首背景音乐来嘎！令我最兴奋既应该系最后ENCOR，小猪一出场就唱我好中意既《恋爱达人》~~~睇完演唱会，从同事度终于拿到《N小时》既DVD，第二日重温左一次，都系嘉亮姐最得人中意。

2008最后一个星期日，FAMILY DAY——提前HAPPY BIRTHDAY TO 我亲爱的雪萍姨！果日最SHARP既应该系细细表弟灏灏了，绝对有潜力发展为新一代的型男兼咪霸！从细到大都甘靓仔，又大方又得人中意，哈哈，4岁咋，识唱好多歌了，《北京欢迎你》、《好想好想》，最抵锡既系识唱我最爱的《爱我别走》啊~~~~表姨，不如教灏灏唱《恋爱达人》啦，等下次唱K我可以同距合唱啊！！

开心过完周末，08年最后的三个工作日简直就系忙到七彩，年终决算，个个公司都好似冲锋甘，搞到我就更加冲锋地赶业务，就连对私业务都来凑热闹，做到下午4点，我个篮子都仲系满嘎，太恐怖了。做到我无晒表情，唔好讲话去厕所，真系连水都唔得闲饮。好多，真系好多。哎呀，仲要又一次比人拉去跳街舞，5号就要表演了，我根本无时间学好无，睇来惟有元旦自己睇视频跟住练了！！好在放工之后都有得出去放松下，如果唔系我好易崩溃的。尤尤的初恋从美国返左来，于是梁医生就约埋大家出去倾下计。30号晚做到10点才踏出支行，拖住疲惫既身躯连工衣都无换，想话返屋企啦，但系一打电话比尤尤，哟，原来距地未散噢，于是临时叫司机掉头，去水荫路方向JOIN距地。哦，仲有隔离班的MR。罗，三个男人D对话好搞笑啊！恩，间酒吧好舒服啊，同HOOLEY‘S差唔多，唔会好吵，又有LIVE BAND嘎~~ ~~忙左一日好眼训，在甘多人吃烟既环境下我本来都想话吃支薄荷烟提下神啦，但系尤尤又唔吃，费事破坏形象啦，所以都系无将烟拿出来。

2008的最后一日，业务量虽然少左，但仍然令人精神紧张。竟然在离外币清算截止时间甘近既时候都仲要有同业、大额、特大额，中午临落班都仲有行长的客话一定要将笔钱发报。。。下午，总算截止了，总算告一段落了。于是执下野，整理下一年来的文件、留底资料，装订下D野。ER。。。师傅。。。你D野都未免太乱了吧，一睇个柜就可以好清晰地知道我几时接手呢个岗位了。啊~~终于搞掂晒了，同璇璇一齐放工，返屋企吃饭LU！！！吃完饭，休息左一阵，就同尤尤去JOIN梁医生距地去BONBON倒数。哇，好多人啊，好多YOUNG人啊！自从上次去BABYFACE，好似系3月份既事了，真系好耐都未去过甘吵既PUB了。10、9、8、7、6、5、4、3、2、1~~~HAPPY NEW YEAR，哈哈，揽住我亲爱的尤尤（你初恋系度都无面比啊，我一定要揽你，事关无第个比我揽了，哈哈哈，尤总，你就牺牲一次甘大把啦）许个新年愿望先！我希望。。。。。。